Entidat Públiko Boneiru paso pa paso ke mehorá servisio na habitantenan i empresarionan. Esaki Entidat Públiko Boneiru ta hasi huntu ku diferente departamento i empleado.
Durante vários enkuentro, sostené pa Ministerio di Asuntunan Interno (BZK), ta wak kon e prosesonan por kuadra mas mihó ku loke habitantenan i empresarionan tin mester di dje. Den esaki tin atenshon tambe pa e manera ku por entregá i trata notifikashon i keho. Dentro di poko un ofisina independiente ta hasi un promé investigashon pa identifiká e situashon aktual, un asina yamá ‘nulmeting’.
Entidat Públiko Boneiru ta rekonosé ku e servisio i e manera di anda ku keho ainda no ta sufisiente bon. Pa medio di traha huntu i kompartí eksperensia, ta bira evidente na unda e puntonan problemátiko ta i kua ta e pasonan ku ta nesesario. Elaborashon di diferente interakshon i eksperensia di kliente, e asina yamá ‘customer journey’, huntu ku esnan enbolbí, ta yuda pa komprendé mas mihó kiko mester drecha.
Di e manera akí Entidat Públiko Boneiru por sigui desaroyá e servisio digital i personal mas aleu, tambe ku e desafionan di kresementu di poblashon i kapasidat limitá pa loke ta trata personal.