Desde ayera, un situashon tenso a domina e panorama político na Boneiro. Un miembro di Eilandsraad di frakshon Demokraat Salma Serberie a presenta su carta di retiro y a informa cu lo sali di e fraccion. Te ayera, e miembro no tabata duna indicacion kla si lo retira su sosten for di e gobierno di Boneiro.
Sinembargo, durante e dia e situacion a sigui escala. Awe prome ku 12’or di merdia, Salma Serberie tambe a anuncia cu ta retira su sosten for di e gobierno. Cu e decision aki, e gobierno di Boneiro a perde su mayoria y, como consecuencia, a cay oficialmente.
Na e momentonan aki, tin varios reunionnan politico ta tuma luga na Boneiro, mientras e partido nan involucra ta deliberando riba e siguiente pasonan den e proceso politico. Tambe gezaghebber di Boneiro ainda mester anuncia oficialmente e caida di e gobierno actual.