Frakshon di MAN-PIN a tuma nota ku den último añanan a invertí den drechamentu
di kayanan, pero ku e parti di invershon pa peaton i usuarionan di paradanan di bùs
a keda atras. Nos ta pidi ku pa e aña aki, drechamentu i *upgrade* di paradanan di
bùs haña un luga den prioridat di trabou.
Diariamente siudadanonan ta depende di transporte públiko pa trahá, bai skol,
dòkter òf supermerkado. Lamentablemente hopi parada di bùs ta den mal
kondishon: bankinan kibra, daknan falta òf dañá, falta di protekshon kontra solo i
áwaseru, i rondó shushi. Esaki ta afektá no solamente nos pueblo, sino tambe
turistanan ku ta hasi uso di e servísio, ku ta laga un mal impreshon di nos pais.
Frakshon di MAN-PIN ta proponé pa envolví Universidat Nashonal di Kòrsou (UoC)
su fakultat tékniko i pa e studiantenan traha un diseño di parada di bùs di futuro:
práktiko, duradero i inklusivo. Asina nos ta integrá hóbennan den desaroyo di nos
infrastruktura i pais.
Den Parlamento, frakshon di MAN-PIN a presentá preguntanan konkretu na Minister
di Tráfiko, Transporte i Planifikashon Urbano, inkluí:
1. Kuantu parada di bùs tin Kòrsou den total?
2. Kuantu ta den kondishon apropriá pa uso públiko (dak, banki, iluminashon,
siguridat)?
3. Ta eksistí un plan di mantené i renobá paradanan di bùs, i kon ta
implementá?
4. E paradanan ta apto pa grandinan i hendenan ku limitashon físiko?
5. Ki kriterio ta usa pa determiná lokashon di paradanan?
6. Tin nesesidat pa re-evaluá kantidat di parada di bùs?
7. Minister ta dispuesto pa envolví UoC den diseño di paradanan nobo?
Frakshon di MAN-PIN ta insisti ku e tema aki ta un prioridat pa bienestar di pueblo i
pa imágen di nos pais.
Frakshon di MAN-PIN: Atenshon urgente pa paradanan di bùs
