Cuerpo Policial Hulanda Caribense (KPCN) a informa cu e buskeda pa e hoben Alshendrick Bernabela, di 14 aña di edat, a keda cancela despues cu a logra hañ’é sano y salvo.
Segun KPCN, e hoben tabata ultimo biaha mira diabierna 6 di maart, loke a pone polis lansa un yamada na comunidad pa yuda den e buskeda pa su paradero.
Autoridadnan a expresa nan gradicimento na tur persona cu a contribui di cualkier forma pa logra localisa Alshendrick.
“KPCN ta gradici un y tur cu a duna informacion of cu a yuda den cualkier manera pa e resultado positivo di e buskeda,”
Cu e noticia cu Alshendrick a wordo haña sano y salvo, polis a confirma cu e buskeda oficial a keda cancela.
