Parlamentario Dangui Oduber a expresa satisfaccion riba e reunion den Parlamento unda sindicatonan a presenta su perspectiva riba e propuesta di Rijkswet HOFA. Segun Oduber, e splicacion a wordo amplia y a yuda parlamentario nan compronde responsabilidad nan di Parlamento y e importancia di e institucion den protege interes di pueblo.
“E splicacion den Parlamento a mustra claramente pa kico nos ta un parlamento y unda nos responsabilidad ta,” Oduber a declara. El a enfatisa cu sindicatonan a detaya e motibonan principal pa cual nan ta opone na e Rijkswet HOFA, duna un guia importante pa parlamentario nan na evaluacion di e propuesta.
Segun Oduber, e encuentro ta un oportunidad pa aumenta transparencia den proceso legislativo y pa sigura cu Parlamento ta tende voz di sindicatonan antes di tuma decisionnan final.