Awe diadomingo pa motibo di falta de atencion den trafico a resulta den un impacto fuerte na Morgenster, caminda un auto particular a dal fuertemente tras di un pickup. Pa e motibo aki, autoridadnan mester a sera e caminda temporalmente pa asina por a atende cu e situacion.
E suceso a tuma luga ora cu e chauffeur di un Hyundai color shinishi, pa motibonan di falta di atencion riba caminda, no a calcula e distancia debido y a bay dal pega formalmente tras di un pickup dobel cabina cu tabata su dilanti.
Daño material y impacto fuerte
E impacto entre e dos vehiculonan tabata considerabel.
A pesar di e fuerte choke, a confirma cu no tabatin ningun persona herida. Sinembargo, e personanan involucra a pasa den un momento di hopi susto debi na e forsa di e golpi.
Intervencion di autoridad
Cuerpo Policial a presenta rapidamente na e sitio pa tuma nota di e situacion y pa dirigi trafico.
Despues cu e partidonan a intercambia nan datonan di seguro y cu e caminda a keda liber di e vehiculonan daña, trafico a bolbe habri pa normalidad. Autoridadnan ta bolbe haci un yamada na tur coredo di auto pa keda alerto y mantene un distancia debido den trafico pa evita e tipo di accidentenan aki.
