Detenshonnan pa manehá bou di influensia di alkohòl
Den e wikènt ku a pasa, polis a detené kuater(4) shofùr pa manehá bou di influensia di alkohòl.
Djaluna 22 di yüni, alrededor di 1.15 or di mardugá, a detené un hòmber di inisial D.H.E.W. di 28 aña di edat na Kaya Shoshori. E sospechoso a dal ku su pikòp kontra un outo stashoná i a deklará ku e tabata riba su telefòn mientras e tabata manehá. Konforme e maneho di ‘botsen is blazen’, a hasi tèst di supla kuné i a resultá ku el a konsumí mas alkohòl ku ta pèrmití pa lei. El a haña prohibishon pa manehá di 1 ora.
Djasabra 20 di yüni, alrededor di 8.30 or di anochi, a detené un dama di inisial R.S. di 33 aña di edat riba Bulevar Gobernador N. Debrot. E sospechoso a dal ku su pikòp tras di un outo. Konforme e maneho di ‘botsen is blazen’, a hasi tèst di supla ku ámbos shofùr i a resultá ku e sospechoso a konsumí mas alkohòl ku ta pèrmití pa lei. El a haña prohibishon pa manehá di 4 ora.
Djasabra 20 di yüni, alrededor di 4 or di mardugá, a detené un hòmber di inisial B.H.A. di 50 aña di edat na Kaya Papa Cornes. Un patruya a duna e shofùr señal pa para pa un kòntròl rutinario. Durante kòntròl, e sospechoso tabata mustra diferente karakterístika di un persona ku ta bou di influensia di alkohòl. A hasi un tèst di supla kuné i a resultá ku el a konsumí mas alkohòl ku ta pèrmití pa lei. A deten’é i a hib’é warda di polis. Aki e sospechoso no tabata ke kumpli ku e eksigensianan pa hasi e tèst di rosea ku éksito.
Djasabra 20 di yüni, alrededor di 1.20 or di mardugá, a detené un hòmber di inisial M.E. di 24 aña di edat den Centrumgebied. Un patruya a para e shofùr pa kòntròl despues ku a konstatá ku e tabata manehá su vehíkulo sin lus i tabata mustra komportashon peligroso di manehá. Durante kòntròl, e sospechoso tabata mustra diferente karakterístika di un persona ku ta bou di influensia di alkohòl. A hasi un tèst di supla kuné i a resultá ku el a konsumí mas alkohòl ku ta pèrmití pa lei. A konfiská su reibeweis.
A transportá tur sospechoso pa warda di polis pa kontinuá ku e trámitenan korespondiente. Aki nan lo haña un prosèsferbal tambe.
Detenshon pa maltrato, destrukshon i menasa
Djasabra 20 di yüni, alrededor di 1.20 or di mardugá, a detené un hòmber di inisial S.M.I. di 27 aña di edat na Kaya Nikiboko Nort. E sospechoso a maltratá i menasá diferente persona. Ademas el a destruí nan propiedat. Investigashon den e kaso ta kontinuá.
Kòntròlnan planiá di tráfiko
Den oranan di mainta di djabièrnè 19 di yüni, polis a tene kòntròl di tráfiko riba Kaya Internashonal. Durante e kòntròl, a para i kontrolá diesocho(18) vehíkulo i a duna diferente but.
E butnan tabata pa e siguiente violashonnan:
3x pa manehá sin reibeweis bálido;
1x pa manehá sin seguro bálido;
1x pa manehá ku karga sin ku esaki ta tapá;
1x pa manehá sin plachi di number patras.
Den oranan di mèrdia di djabièrnè 19 di yüni a tene un kòntròl di tráfiko na Kaya Barakuda. A para i kontrolá diferente vehíkulo i a duna un shofùr but pa manehá sin reibeweis.
Den oranan di atardi di djabièrnè 19 di yüni, Kuerpo Polisial Hulanda Karibense(KPCN) den koperashon ku Koninklijke Marechaussee(KMar) i Douane a tene un kòntròl planiá di tráfiko na Kaya Internashonal i na Kaya Amsterdam. Meta di e kòntròl tabata pa mehorá seguridat den tráfiko i a kontrolá riba transporte di artíkulonan prohibí. Ademas a midi velosidat di vehíkulonan aserkando ku un ‘lasergun’. Durante e kòntròl aki a para i kontrolá diferente vehíkulo i a duna shete(7) but.
E butnan tabata pa e siguiente violashonnan:
3x pa surpasá e velosidat máksimo pèrmití di 40km/pa ora;
2x pa manehá sin seguro bálido;
1x pa manehá sin reibeweis bálido;
1x pa manehá sin plachi di number dilanti.
Kòntròlnan di tráfiko ta kontinuá!
