Dia 22 di desèmber próksimo Movementu Kousa Promé ta organisá un enkuentro públiko ku un eksperto importante di CARICOM. Ta trata di Chief Dr. Eric Phillips vice-presidente di Komishon di Reparashon di CARICOM i tambe presidente di Komishon di Reparashon di Guyana.
Dr. Phillips lo presentá punto di bista di CARICOM riba kolonialismo, dekolonisashon i reparashon. Tambe Dr. Eric Phillips lo duna opinion di CARICOM riba despensa di Rei Willem Alexander.
Dr. Phillips tabata representante di CARICOM i un di e oradónan importante na e di 8 Simposio ku a tuma lugá resientemente na Boneiru, riba e tema “Kolonialismo kontemporáneo i Reparashon den Caribe”, organisá pa Nos ke Boneiru Bèk, Bonaire Human Rights Foundation i Movementu pa Kambio.
Dr. Phillips lo ta di bishita na Kòrsou pa algun dia. Den kuadro aki dr. Phillips a mustra disponibilidat pa duna informashon na pueblo di Kòrsou riba e temanan ariba menshoná.
Kousa Promé ta invitá pueblo di Kòrsou pa bin skucha Dr. Phillips i tuma nota di e ultimo desaroyonan den e lucha pa liberá Caribe di kolonialismo.
E enkuentro ta tuma lugá djabièrnè 22 di desèmber na Sentro di Bario Sta. Maria di 6.30 – 9.30’or di anochi.
Kousa Promé ta warda bo. Entrada ta grátis.
Un pueblo informá ta un pueblo ku defensa