Alex Rosaria a wordo nombra como presidente di e directiva di Fundashon Kòrsou Transparente. Cu esaki e ta sucedé Michael Hernandez, kende a hunga un rol determinante den e desaroyo di e fundacion.
Kòrsou Transparente a nace for di un iniciativa di ciudadano como consecuencia di e investigacion di Transparency International (TI) di aña 2013 tocante e vulnerabilidadnan di Corsou pa corupcion. Un di e puntonan di spear di e fundacion ta pa crea consenchi serca e ciudadanonan pa nan para pa nan derecho riba un Corsou integro. Integridad, transparencia y combate contra corupcion ta forma e esencia di e mision di Kòrsou Transparente.
E presidente saliente, Michael Hernandez, a brinda un contribucion inestimabel na e crecemento y profesionalisacion di e fundacion. Bou di su direccion, e consenchi tocante e importancia di transparencia den e sociedad a aumenta fuertemente. Hernandez awor ta drenta den e Raad di Conseeho di Kòrsou Transparente.
E presidente nobo, Alex Rosaria, a indica di ta sinti su mes honra di tuma e presidencia riba dje. Actualmente Rosaria ta evalua proyectonan di desaroyo na Asia y Pacifico. Ademas, e ta un fellow na e Caribbean Policy Consortium y ta activo den gruponan di trabou di Global Americans. Su carera den e sector publico y internacional ta inclui funcionnan manera miembro di Parlamento, minister di Asuntonan Economico y Labor, y secretario de estado di Finansa. Anteriormente e a traha pa UN Development Programme, UN Industrial Development Organization, UN-Habitat y UN Office on Drugs and Crime na Africa y America Central.
Den luna di juli, Kòrsou Transparente lo reuni pa un sesion strategico pa stipula e planificacion pa e proximo añanan. Kòrsou Transparente ta contento cu a haya un persona cu e experticio y experiencia di Rosaria dispuesto pa asumi e presidencia.