E reciente proceso di legalisacion di personanan den situacion iregular na Aruba, na bista di hopi, tabatin e intencion di trece un solucion definitivo. Sinembargo, e realidat actual ta mustra un panorama completamente diferente. Na luga di un alivio, e forma con a hiba e maneho aki a lanta interogacion serio y preocupacion riba e impacto den e departamentonan gubernamental, lagando un pregunta central den comunidad: Ta husto pa henter un pueblo di Aruba paga pa un situacion cu comercio, ilegalnan y mal maneho di gobernantenan a crea?
E situacion aki ta habri un debate profundo riba responsabilidad civil y financiero. Ken mester para responsabel pa e echo aki? ¿E pueblo soberano cu semper a cumpli cu su debernan, of e instancianan y personanan cu a actua fuera de ley? Dicon nan no ta para responsabel pa nan actonan?
Un di e criticanan mas fuerte ta sinta den e echo cu e decision di legalisa e Grupo aki di ilegalnan cu a viola ley nan di un PAIS a crea “otro problema” den e aparato gubernamental. Instancianan crucial manera departamento di Censo y AZV y den futuro SVB lo entrenta un inflacion di demanda riba nan servicionan.
E presion aki ta nifica un desbalans den e sistema, caminda e personanan a bin “trapa riba e leynan di Aruba”, afectando e eficiencia di e servicionan cu e ciudadano local mester ricibi. Nos mester dies cera wowo y laga esey dies pasa y keda sosode? E falta di un planificacion debido ta demostra cu, na luga di un maneho pa defende Aruba,a dicidi di para banda di esnan cu a crea e problema aki , comercio y e ilegalnan, e ta corecto y of husto pa e ciudadanonan cu ta biba riba e isla cu si ta cumpli cu leynan ? a opta pa un poblacion ilegal bira lega y awor ta weighing down e sistema publico.
E cuestionamento mas grandi ta bay dirigi na e falta di transparencia total tocante e sancionnan of castigonan cu e indocumentadonan y comercio cu a crea e situacion aki mester a enfrenta pa via di nan situacion iregular anterior. Te na e momentonan aki, no tin ningun claridad si e personanan cu a wordo legalisa a paga algun tipo di castigo, boet, of sancion financiero pa e infraccion cometi contra e leynan di Estado wordo respeta , pero na mes momento e placa aki por bay pa e departamentonan cu mester sigui atende cu e un proceso di un inmigrante cu kier biba na e isla. Si nan no paga ken ta carga e costo, localnan ?
E falta di cobransa aki ta wordo bisto den e ambito periodistico y structural como un oportunidad perdi pa gobierno. E fondonan cu por a genera via e sancionnan aki por a wordo uza pa cubri e gastonan di personal y recurso nobo cu Censo y AZV tin mester awor aki de urgencia pa procesa e volumen halto di trabao aki. Na lugar di esaki, e gastonan operacional ey ta cay atrobe riba custia di e mesun taxpayers di semper.E ta algo husto?
E situacion ta wordo describi como un desbalans caminda ta habriendo caminda di hendenan cu a crea un daño na e pais, y te ainda e abusonan ta tumando luga , ni e imigrantenan y ni algun di e comerciantenan no ta respeta leynan di Pais Aruba
Habriendo caminda pa e “damage” sin aporte
E analisis periodistico ta subraya un realidad incomodo: e personanan aki a keda pa largo tempo den e pais sin aporta debidamente den e caha di gobierno. Awor cu a duna nan e oportunidad di legalisa nan situacion, tampoco a cobra nan e sanchon necesario pa “deck up” (cubri) e gastonan y e presion masivo cu nan mes ta creando den e sistema social y gubernamental.
Ante e scenario aki, e pregunta central cu ta keda pa Aruba ta: ¿Con e pais por sigui carga cu e peso aki?
Un sistema nobo “once and for all”
E necesidad di traha riba un sistema nobo cu ta regula e materia aki once and for all ta urgente. E realidad actual ta mustra un patronchi den cual hopi persona ta drentando como turista pa despues busca trabao den un forma iregular, sin cu tin un miho maneho, control debido, of un sistema riba e situacion di parti di e autoridadnan competente.
Aruba mester, di un miho maneho a base di e realidad aki. E pais no por sigui permiti cu e falanan di control y e interesnan comercial particular debilita e finansas publico y e structura social, lagando e pueblo como e unico responsabel pa paga e cuenta di un daño cu e mes no a causa.Ki dia e derechi di Pais Aruba ta wordo respeta y balora e Pais manera mester ta?
E ta un balans corecto pa pueblo carga cu e costo di legalisacion y mal maneho di imigracion?
