Wardacosta y Cuerpo Policial Aruba a detecta un boto den cercania di e costa di Aruba cu personanan indocumenta na bordo, cualnan a purba yega tera. Mesora a dirigi e helicopter y patruya di Wardacosta na e area. Conhuntamente a logra detene 11 persona indocumenta di cual 9 Venezolano y 2 Colombiano. Dos persona di e grupo ta hende muhe. Tur e persona a ser entrega na KPA pa por sigui cu investigacion den e caso aki.
