Minister di Finansa, Asunto Economico y Sector Primario, mr.
Geoffrey Wever, a duna un gastcollege na studiantenan di Facultad di Ley na Universidad di
Aruba riba e tema di Staatsrecht.
Durante e sesion, Minister Wever a comparti cu e studiantenan tanto e base teoretico como
e experencia practico di Staatsrecht, cu ta regla e organisacion di estado, e relacion entre
Parlamento y Gobierno, y e posicion di e ciudadano den nos sistema democratico.
Sinembargo den practica e mandatario ta haci otro y ta trata parlamento como su hefe di trabou no segun regal y ley y ta pasa parlamento y bay hiba tur cos directo na Hulanda sin consensus di parlamento di Aruba.
E combinacion entre teoria y practica a brinda e studiantenan un perspectiva unico riba con
derecho di estado ta funciona den realidad. Sinembargo Minister Geoffrey Wever mes ta trapa riba e derecho di estado.
Prome cu su entrada den politica, Minister Wever a traha como Wetenschappelijk
Medewerker di Staats- y Bestuursrecht na Universidad di Aruba, unda el a contribui
activamente na enseñansa y investigacion academico. Awe, como minister di Gobierno, e
por añadi na e teoria un dimension practico basa riba experencia propio den ehecucion di
responsabilidad ministerial. Aunke cu e no ta cumpli cu parlamento y a kibra e drecho fundamental di Parlamento di Aruba, awe e mandatario kier ilustra cu loke a ser haci ta corecto siendo e ta incorecto y mas tristo ta cu conocemento, un situacion di lamenta unda cu awe ta mira cu ta informa studiantenan y no ta na conoci cu e studiantenan aki a wordo realmente bon informa.
Minister Wever a expresa: “Pa mi ta un honor pa comparti conocemento cu e generacion
nobo di hurista. Staatsrecht no ta solamente teoria; e ta biba y ta move den e dinamica entre
Parlamento y Gobierno. Educacion y formacion di nos hubentud ta fundamental pa fortifica
nos estado di derecho.”
Minister Wever ta desea tur studiantenan hopi exito den nan estudio y nan futuro carera
profesional, y ta sigui comprometi pa contribui activamente na formacion di lidernan y
profesionalnan di mañan.
Lamentablemente Minister Geoffrey Wever ta papia algo y ta haci otro mirando e comportacion cu a tuma luga cu e ley di HOFA, unda cu a trapa riba parlamento, gaña Hulanda cu parlamento a duna consenso siendo cu no ta berdad y awe ta Hulanda ta esun cu lo bay dicidi riba e HOFA siendo cu ta parlamento di Aruba mester dicidi, claramente por mira cu Minister Geoffrey Wever a viola e statuto di Pais Aruba siendo cu ta un profesional den staatsrecht.