Falta solamente algun dia pa Aruba Dolphins Open Water 2026, e competencia anual organisa pa Aruba Dolphins Swimming Club. E evento aki lo tuma lugar diadomingo 27 di september 2026 na Commandeurs Bay, Savaneta, banda di Zeerovers.
E evento ta habri pa landadonan di diferente nivel y edad, y tambe pa tur personan cu ta cla pa challenge nan mes y participa den Open Water. Participantenan por scoge entre e distancianan di 1 KM, 3 KM y 5 KM. E aña aki lo introduci algo nobo pa e participantenan: e relay di 1.5 KM. Aki 3 participante lo forma parti di un relay team, unda cada landado ta completa un trayecto di 500 meter.
Riba dia di e evento, registracion lo cuminsa pa 6:30 di mainta, mientras cu e prome careda lo cuminsa pa 7:30. Start y finish di tur distancia lo ta na Pier di Zeerovers.
Cu cupo limita, Aruba Dolphins ta encurasha tur persona interesa pa inscribi na tempo. Inscripcion pa e 1 KM, 3 KM y 5 KM ta costa AWG 35 y lo cera diabierna 25 di september 2026 pa 11:30 di anochi. No lo tin inscripcion pa e distancianan aki riba dia di e competencia.
E Open Water ta mas cu solamente un competencia. E ta un evento cu ta uni landadonan, coaches, famianan, supporters y e comunidad pa bin disfruta di deporte, desafio y e bunitesa di Aruba su lama. Manera custumber, e bar y cushina lo ta bon surti, cu lo ta na benta pa recauda fondo pa e club.
Aruba Dolphins ta invita un y tur pa bin sostene e participantenan y disfruta di un mainta yen di deporte, energia y bon ambiente na Savaneta.
Informacion:
Diadomingo 27 di september 2026
Commandeurs Bay, Savaneta #274, banda di Zeerovers
1 KM | 3 KM | 5 KM | 1.5 KM Relay
Registracion ta cuminsa pa 6:30 AM
AWG 35 pa e distancianan individual
Inscribi online: http://timing.events/Event/Index?id=117
Pa mas informacion, por tuma contacto cu Aruba Dolphins via arubadolphinsswimmingteam@gmail.com, sigui nos riba nos social media of bishita www.arubadolphins.com
