Local

DVG ta haci un yamada pa pone fin na sufrimento di cacho riba caya

Dvg Conscientisacion Dono Responsabel

Tur dia tin cacho na Aruba cu ta biba riba caya,
sin awa, sin cuminda y sin un luga sigur pa drumi. Nan ta enfrenta hamber, sed,
malesa, accidente y maltrato. Un realidad doloroso cu ta exigi mas conscientisacion
y responsabilidad di nos comunidad.
Ningun cacho a scohe pa biba den e condicionnan aki. Nan ta sernan bibo cu ta sinti
dolor, miedo y afecto. Nan ta depende di hende pa haya e cuido y proteccion cu nan
merece.
Pone fin na sufrimento di animal no ta solamente cuestion di compasion, sino tambe
di responsabilidad colectivo. Tin biaha un acto di amor ta cuminsa cu un decision
simpel, no abandona un animal, ofrece ayudo na un cacho den necesidad of duna
un animal un segunda oportunidad.
DVG ta haci un yamada na comunidad pa no bira indiferente pa e sufrimento di
cacho riba caya. Cada ciudadano por contribui na un cambio, sea door di adopcion
responsabel, sterilisacion, cuido adecuado of apoyando iniciativanan di bienestar
animal.
Un Aruba cu menos cacho sufriendo riba caya ta cuminsa cu nos propio accionnan.
No mas cacho sufriendo riba caya. Adopta, sterilisa y proteha. Un doño
responsabel ta haci e diferencia.

Related posts

Memoria di Boy Ecury: Un yamada na curashi den bida y politica

EA News Author

Awo tin posiblidad pa haci un instaptoets pa por drenta Avond Mavo

EA News Author

Scirbi pa Pastor Marcel Balootje. UN CARTA DEDICA NA HUBENTUD

EA News Author

Leave a Comment

Whatsapp Message