Ta parce cu tin manipulacion tumando luga cu e belasting nobo di turismo introduce y cu ta carga e nomber di Visitor Entry Take (VET). No sa ainda kende pero tal parce cu un grupo di persona cu a traha un website similar na esun di Gobierno y pa medio di esaki tal cobra e belasting aki adelanta for di e turista cu kier bishita Boneiro.
A descubri e manipulación aki for di luna di december caba pero legalmente no por haci nada, según fuentenan di gobierno a indica. E motibo ta cu ta trata aki di un website cu rebende. Autoridadnan concerni cu ayudo di hurista a haci e investigacionnan necesario caba y ta parce cu di berdad no por haci nada.
E “fraude” ta sinta den e hecho cu e hendenan ta paga un suma di placa na e website aki cu ta mas cu e tarifa oficial. Y e website ta manda e placa pa autoridadnan di turismo pero e diferencia nan ta keda cu ne. Nan ta haya un QR-Code cu e bishitante ta ricibi y ta mustra esaki na nan yegada na Boneiro. Pues, nan no ta keda sin cumpli cu e bishitante.
Den e caso aki por bisa cu ta gaña e bishitante. Pero e otro problema ta cu no por saca afo (ainda) kende ta e personanan tras di esaki. Y tampoco por bisa cuanto placa e grupo a gana riba cabes di Gobierno di Boneiro. A tuma pasonan den e sentido cu a adverti tur partnernan di turismo pa mira cu ta uza e website oficial ora di paga e belasting aki y a informa cu e suma corecto ta 75 dollar.
E compania encarga cu e software ta studiando con pa mehora e sistema.
1 comment
[…] Source link […]