Hopi di nos conoce y ta pasa dilanti e monumento aki sin sa e pasado, con y dicon el a wordo construi, pa con conoci cu e ta poco ta duna e balor necesario. Nos monumento cu door di hopi ta wordo yama museo historico Aruba cu nomber original Fort Zoutman, Willem de 3de Toren, ta situa dilanti oficina oficial di gobernador di Aruba den districto Oranjestad.
Historia:
Fort Zoutman a wordo construi na aña 1796, cual ta haci e monumento mas bieu cu ainda ta existi den Oranjestad, Fort Zoutman a wordo construi den dos aña y a wordo construi door di diferente esclavonan Africano cu tabata biba antes na Aruba. Den aña 1796 bou petition di gobernador Johann Rudolf Lauffer cu a propone pa Aruba, Bonaire y Curaçao traha un fort pa proteha e islanan di pirata y otro enemigonan cu tabata pasando rond e temponan aya. Fort Zoutman a wordo asina nombra na Johan Arnold Zoutman cu tabata na e momento di construccion un Contralmirante Hulandes (cual ta significa un militar di 2 strea) cu den e tempo ey a participa den dos guera pa Hulanda. Fort Zoutman tabata localiza na e rand di Aruba pega na e costa di lama. Na principio e tabata arma cu cuatro cañon. E area rond a desaroya despues cu expansion y construccionnan di hotel y Renaissance Marketplace y mucho mas door di crecemento economico den Oranjestad.
