Riba caminda principal di Hooiberg a tuma luga un accidente basta fuerte diasabra anochi. Ta trata aki di un sra cu tabata core un Hyundai cu a bay lora pa bay drenta den e residencia di Hooiberg pero no a tuma nota cu un Harley tabata biniendo y consecuencia di esaki ta cu e la dal den e harley y asina e motociclista a bay dal den e muraya keda raspa bay ariba sigui bay den e cura di cadushi y despues di algun miya a logra para e Harley.
E impacto tabata fuerte y e daño material tambe ta grandi, sinembargo e motociclista a haya basta sla pero e ta stabiel. Polis y ambulance a yega na e sitio pa atende cu e accidente, na mes momento ambulance a trata e motociclista na e sitio pero despues a transporte pa hospital. E sra. Den e hyundai tabata basta spanta. Conoshinan y amigonan a presenta na e sitio y asina encarga cu e harley yega cas.
