Durante e ultimo edicion di e famoso show di Pasco na Magic 96.5 fm cu Erin Croes, esta Na Drempel di Fin di Aña, Addonsito a ricibi un sorpresa di compañeronan di bestuur tesorero Jarissa Dubero y Presidente Arthur Kelly, di Stichting Klein Aruba.
Addonsito a cuminsa exactamente 10 aña pasa cu e segmento cultural aki cu Erin a yama “Arubanita” den cua e ta lansa un pregunta tipico di Aruba su cultura, flora y fauna of geografia y historia. Pa 10 aña y mas cu 300 pregunta , oyentenan a haya e oportunidad di yama live y contesta. E premio tawata e sumanan di 75- of 100 florin di Superfood. Cu un curason contento y agradecido, Addonsito a ricibi y dedica su reconocimento na tur su oyentenan fiel cu pa 10 aña a sostene y siña cosnan cu kizas nan no tawata sa di Aruba.
