FeaturedSabaInternacional

Aeropuerto nobo den pleno funccion

New Aiport Saba.3

E Aeropuerto Internacional Roosevelt ta funccionando completamente. Comisionado di gobierno Alida Francis y miembronan di e conseho di e isla Rechelline Leerdam, Reuben Merkman y Adelka Spanner a duna bon bini na e tripulacion y pasaheronan di e prome vuelo di WINAIR y di e prome SXM Airways cu un placa special pa conmemora nan yegada. E construccion di e aeropuerto a wordo financia pa e ministerio Hulandes di Infrastructuur en Waterbeheer.

Segun e Manager di Aeropuerto, Darren Wilson e soft opening riba 2 di juli 2023 a duna e oportunidad pa e personal y stakeholders familiarisa y aclimatiza na e ambiente di trabou nobo. “Ta aki tambe nos a observa situacionnan y a resolve algun problema cu no lo tabata visibel durante e entrega, pasobra e edificio no tabata den operacion completo”, Wilson a agrega. “E meta tabata pa mira kon e edificio ta funcciona cu pasaheronan y con e personal ta funcciona proceduralmente den e ambiente nobo. Nos ta satisfecho cu e movemento di pasaheronan den e terminal y a dicidi di sigui cu e apertura oficial di e operacion”, Wilson a bisa. Tambe el a menciona cu e personal di seguridad di e aeropuerto a pasa 2 siman di entrenamento di seguridad di aviacion cu lo permiti nan cumpli cu nan debernan mas efectivamente den e ambiente nobo aki. Tambe tin sesionnan di informacion planea pa empleadonan actual y potencial di aeropuerto como parti di un programa di consientisacion di seguridad di aviacion cu ta den desaroyo. Ademas, nos lo organisa bishitanan pa publico prome cu e gran apertura”, Wilson a menciona.

Dia 28 di mei 2021, e entidad publico St. Eustatius a risibi e yabi (simbolico) di e edificio nobo di e terminal y e toren FISO for di e contratista Van Boekel, loke ta nifica cu for di e fecha ey e edificio a bira propiedad di e entidad publico. E transicion pa prepara e edificio pa actividad operacional a cuminsa mesora despues di e entrega di e yabi, mientras cu e anterior terminal di aeropuerto a keda operacional te mitar di juni.Cu e apertura grandioso cu a tuma lugar dia 27 di augustus 2023, e terminal di aeropuerto nobo ta midi 1100 meter cuadra den su dak y 700 meter cuadra den su espacio interno. Tin un total di 4 check-in desk, 3 oficina di aerolinea, screening di equipahe y un screening completo di pasahero y personal. E area di warda na e porta ta ofrese 44 asiento y tin un bar na banda, un roller bed pa e baggage claim pa yegadanan, un area di control di aduana, cambernan di deposito, un sala di reunion, y un sala di siguridad y control. E toren ta consisti di 3 piso y ta 136 meter cuadra. E cabina tin un bista di 360 grado y ta funciona como un camber operacional pa siguridad di buelo y na airside y pa proposito di comunicacion.

Fully Operational Airport2.2Fully Operational Airport.1

Related posts

Prome Minister Evelyn Wever-Croes: Prome minister a reuni cu secretario di estado Alexandra Van Huffelen riba e topico di debe di Covid

EA News Author

Bo kier bira maestro di scol primario of docente di Hulandes? Esaki ta bo momento!

EA News Author

KVK Ta recorda empresarionan riba obligacionnan legal importante

EA News Author

1 comment

Aeropuerto nobo den pleno funccion - Notisia 365 September 5, 2023 at 8:58 pm

[…] Source link […]

Reply

Leave a Comment

Whatsapp Message