KRALENDIJK,Bonaire
E tema ta; Historia di un dékada nobo 2020 ku anochi ku Luna yen
E Anochi ku luna yen aki ta na kunuku di Djèk Djèk di Juny van Arneman. E sitio aki ta direkshon Maiky Snack i yega pabou di Rancho Coquita Kas di kunuku Nieuw Amsterdam. E fecha ta djabièrnè 10 di yanüari 2020. na e orarionan di kustumber kual ta 7or pa 9or di anochi.
Tema prinsipal ta; historia di un dékada nobo 2020 ku anochi ku Luna Yen. Den dékada nobo Skal i komishon kier pone énfasis riba éksitonan den e arte Literario, ku formashonnan edukativo i posibilidat nan di teatro. Lo bai trese mas motivashon pa e artistanan por hasi nan presentashon nan mas positivo.
SKAL i komishon di Luna Yen ta kontinuá ku aktividatnan segun su kalènder kultural. Anochi ku Luna Yen, un inisiativa ku a nase den pasado for di algun siudadano ku gran pashon pa nos idioma papiamentu. SKAL ta keda pone énfasis ku meta prinsipal di e evento pa stimulá otro pa skirbi, deklamá, konta storia, kanta òf presentá obranan kòrtiku na papiamentu.
No neglishá bo kapasidat i bin demostrá ku bo por. Nos ta apresiá i respetá tur obra, ku eksepshon di palabranan bulgar, polítika, problemanan personal i tur loke ku no ta kuadra ku nos aktividat. Manera semper, ta keda liber na kada bishitante pa trese algu di boka dushi pa kompartí ku otro bishitantenan i un súplika pa tur hende bini ku nan propio stul.
Anochi ku Luna Yen ta keda un evento sosial di pueblo i pa pueblo, pues un i tur kordialmente bonbiní.
Tin transporte grátis ku ta sali 6or atardi for di Rincon pa direkshon Nieuw Amsterdam serka
Juny van Arneman. Personanan di Playa bus ta sali di SKAL 6.30 direkshon pa direkshon Nieuw Amsterdam serka Juny van Arneman. Un súplika na tur esnan ku mester di transporte pa hasi reservashon na tempu na SKAL.
Pa mas informashon por tuma por tuma kontakto ku kolaboradónan:
Yùfrou Yoi Helmeyer- Marsera; +599 9 516 6560
Magali Sumter; + 599 9 565 0947
Ubaldo Anthony; + 599 717 4935
Orlando Francisca; + 599 786 2131 òf + 599 7962131
Nochi Coffie; + 599 785 6388
SKAL; + 599 717 8868