Riba diabierna 4 di januari 2024, mas o menos 8:30 or di mainta, e homber cu yama R. a declara cu e ta representa e localidad di Wacky Wahoo situa na Palm Beach. E tabata desea di haci un denuncia di ladronicia, ya cu desconoci a kita for di un freezer di Wacky Wahoo.
E freezer tabata na e luga parti zuid pafo di e localidad. Na dia 3 di januari 2024, mas of menos 22:00 or di atardi, el a laga e freezer menciona intacto y cera pa medio di un lock. Dia 4 di januari 2024, mas o menos 6:00 or di mainta, el a bay wak e camara di siguridad di e localidad riba su telefon mobil. El a mira cu un homber cu e no tabata conoce a kibra e yabi di e freezer cu un obheto. Ademas, el a mira cu e homber a kita algun producto for di e freezer.
Despues di esaki el a bay “Wacky Wahoo” pa wak e situacion. Na alrededor di 7:30 di atardi, el a yega. El a ripara cu a kibra e yabi di e freezer. Durante un inspeccion den e freezer, el a constata cu diferente mercancia a wordo kita. Entre otro: tres pakete di frozen soda y cinco pakete di “Funchi”. E tabatin video di henter e caso. E lo pone esaki riba un USB y hiba esaki na e posesion di polis. E no a duna niun hende e derecho ni e permiso pa kita su propiedad. E ta desea di wordo agrega como persona cu ta sufri di perhuicio y di keda informa di e proceso penal. Dununcia a keda duna y hefe di centrale post tambe a keda informa.