Gradicimento y Invitacion
Di profundo di nos curason nos ta gradici tur esnan cu di un of otro forma a mustra atencion, amor, cariño, a duna nos sosten, conseho y forsa durante e tempo dificil cu e fayecimento y despedida di nos Austin stima:
Austin David Illes
Boso muestra di atencion ta di hopi aprecio y un gran sosten pa nos. Un danki na un y tur cu a manda carchi, whatsapp, email, krans y un yamada telefonico. Un danki special na famianan, amistadesnan, coleganan, un danki special di curason na departamento di Dialyse Imsan y HOH pa nan aporte y nan atencion, Korps Politie Aruba, Sindicato di Polis di Aruba, Duo Aria Rachel Kraaijvanger y Sulaica Geerman pa nan bunita cancionnan, Carlos Party Express y Adju Upholstery
Tambe na Aurora Funeral Home pa cu su bon servicio y atencion tabata un gran consuelo pa nos.
Na mes momento nos ta invita famia bisiña, amigo y conocirnan pa compaña nos na 3 Santo Sacrificio di Misa na Inmaculada Concepcion na Santa Cruz; diabierna 27 di Januari pa 7or di anochi, diadomingo 29 di Januari pa 6.30 di atardi y diamars 31 di Januari 2023 pa 7or di anochi. Despues di e ultimo Misa tin Rosario na Kas Ariba # 53A.