Aruba Bank a contribui na torneo di softball di damas internacional 30+. Diferente ekipo tanto local y internacional a participa na e torneo aki.
Ekiponan cu a representa Curacao ta: Sin Stress Softball Team, Un Kara Real Softball Team, Shining Stars Softball Team y Chilling Softball Team.
For di Hulanda tabata presente Fearless Squad Softball Team.
Splash Softball Team y organisadornan di e torneo: Sweet Devild Softball Team a representa Aruba dignamente.
E torneo a cuminsa ariba 01 di december y a termina ariba diadomingo 04 di december caminda Sin Stress Softball Team di Curacao a titula campeon.
Nos ta contento di por a aporta e deporte di softball. Representante di Aruba Bank tabata presente pa haci entrega di premio y trofeonan, patrocina pa Aruba Bank.
Pabien na tur ekipo cu a participa na e torneo di Sweet Devils Aruba.
