Aruba Lions Club, como parti di Lions International, cu su proyecto di Hunger Relief,
a yuda comunidad di Aruba durante e temporada hopi dificil cu nos a enfrenta.
Aruba Lions hunto cu Friends of Lions, a reparti mas cu 600 pakete di cuminda den e comunidad di Aruba.
Durante e temporada cu Covid a manifesta su mes na Aruba, caminda hopi famia sea e mama of tata,
hasta den algun caso tur dos a perde trabou, e temponan dificil a cuminsa den varios hogar na Aruba.
E proyecto aki a wordo realisa, danki na e cooperacion di Cheng’s Supermarket.
Como muestra di gradicimento pa cu e ayudo grandi cu Cheng’s Supermarket a duna na Aruba Lions Club
y comunidad di Aruba, a wordo otorga un reconocemento na Cheng’s Supermarket pa nan valioso contribucion.
Sr. William Cheng a ricibi e reconocimento aki for di man di e Hunger relief committee di Aruba Lions Club,
Lion Clarice Bufalini Ras y Lion Roccini Anthony. 
