Mundo henter y Aruba tambe a pasa den un Pandemia hopi fuerte. Economia di diferente pais a sufri daño, pero tambe a traha pa combati e virus aki pa mundo por sigui drey. Sinembargo e metodo pa combati e virus ta pa ta vacuna, pero tin un grupo di persona ta kere den dje y otro no y te hasta ta protesta contra di esaki.
Sinembargo e echo ta cu na momento cu bo ta vacuna no kiermen bo no por haya e virus di COVID , bo por haye, pero e no lo haci e efecto fuerte riba bo manera e lo haci riba un persona cu no ta vacuna. Pesey ta importante pa bo proteha bo mes y vacuna. Na celebracion di Pasco a nota hopi persona , prinsipalmente nos hobenan a dicidi di tog bay sali , e consecuencia di esaki ta cu tin un brote entre e hobenan.
Sigur un club den Oranjestad cu tabata hopi yen hobenan cu a bay fiesta y pensa si nan ta den VIP nan no lo pega , esaki ta un pensamento actual bao di e hobenan. Informacion cu EAnews ta disponi di dje ta cu tabatin un grupo di 12 mucha cu a sali hunto 6 so a bay haci e test responsablemente y a resulta cu nan ta positivo e restonan no kier a bay test debi cu nan kier sigui celebra anja nobo, esaki sigur ta un pensamento iresponsabel di e otro parti di e grupo. Den e caso aki nan ta esunnan cu lo sigui plama e virus, pesey ta importante pa bo ta vacuna pa e virus no mester haci tanto daño na bo organonan y of sistema cu ta pone cu mester keda hospitalisa.
Turistanan ta yegando Aruba y nan ta bin vakantie pa nan comparti y conoce e isla, esaki tambe ta un parti cu no por evita, sinembargo e turistanan cu ta drenta Aruba si tur cos ta cana manera mester ta nan lo ta completamente vacuna cu si acaso nan haya e virus mes no lo afectanan pa drenta hospital y of pa yega na un estado hopi delicado cu por causa nan morto.
Den tur aspecto importante ta pa bo ta vacuna y ta responsabel y evita pa plama e virus. Nos tur ta Aruba y nos tur tin cu duna di nos parti pa lanta e pais bek riba pia. Si bo no a vacuna ainda haci esaki mas lihe cu ta posibel y si bo falta e booster shot no duda pa bay tuma esaki. Gobierno ta facilita e vacuna pa bo propio seguridad ta keda na abo como persona pa proteha bo mes y bo famia.
