Fin di aña ta den porta y tur hende ta contento di por celebra cu e tradicion di come cosnan dushi na famia. Departamento di Salud Publico, ta conseha pa celebra cambio di aña na un forma responsabel.
Ta conseha pa no abusa di consumo di alcohol durante temporadanan festivo y ta consciente cu si ta bebe no por stuur. Tambe no ta consehabel cende klapchi bou influencia di alcohol.
Temporada di klapchi ta di hopi alegria pa henter famia. Pa mantene e celebracion aki responsabel, no lubida di:
No permiti mucha tira klapchi sin ta hunto cu un mayor of adulto
Uza protecion pa orea. Esaki ta importante specialmente pa mucha bou di 14 aña di edad.
No pone ningun klapchi ni mecha ni den bo saco di carson ni tampoco den tas.
Tuma suficiente distancia entre abo cu e klapchi, por lo menos 8 meter.
No tira klapchi directamente fo’i bo man. Semper haci uzo di un mecha.
No tira klapchi riba otro persona ni tampoco riba bestia.
No bay purba cende un klapchi atrobe si e no a cende e prome biaha.
No experimenta cu klapchi.
Basha awa riba tur klapchi prome cu haci e area limpi.
Siguiendo e consehonan aki, bo por ta sigur cu abo y bo famia lo tin un cambio di aña “safe” y alegre.
Departmento di Salud Publico ta desea Aruba henter pa celebra cambio di aña na un forma responsabel y alabes ta desea tur un bon comienso di aña 2022 yena cu hopi salud y prosperidad.