Local

“Ban cuida nos muchanan den temporada di Carnaval”


ORANJESTAD,Aruba

Un iniciativa di Sociaal Crisis Plan y partners.

Na januari 2020 SCP a lansa su campaña nobo, yama ‘Ban cuida nos muchanan den temporada di Carnaval’, cu ta un campaña pa informa y conscientisa nos comunidad riba e topico di salud y seguridad di nos muchanan durante e paradanan di carnaval.

SCP hunto 34 partners lo ta activo ariba e topico aki durante e temporada mas druk di Carnaval y materialnan di comunicacion lo sali ariba entre otro television, rednan social, radio y corant.

E meta principal di SCP ta pa conscientisa nos comunidad riba e importancia di e salud y seguridad di muchanan durante e temporada di Carnaval y cu cada mayor ta carga e responsabilidad aki. SCP kier invita pueblo di Aruba pa bin experencia Carnaval door di e wowo di un mucha por medio di un instalacion audiovisual cu lo ta presente na varios locacion durante e temporada di Carnaval. Nos lo lansa nos instalacion audiovisual riba Plaza Daniel Leo na Oranjestad riba Diasabra 1 Februari di 4or pa 6or di atardi. Nos mester ta mas consciente cu pa muchanan bou di 5 aña e paradanan di Carnaval por ta dañino pa nan salud y bienestar. Decibel mucho halto, solo fuerte, alcohol den nan sercania y falta di soño ta algun factornan cu no ta bon pa nan y por tin efecto negativo ariba na bida.

Pa mas informacion of conseho pa e cuido di mucha den temporada di carnaval tuma contacto cu Tienda di Educacion na 161 (yamada ta gratis). Pa mas informacion di e campaña di SCP por tuma contacto na 5281100.

Related posts

Prome Minister Evelyn Wever-Croes: Procedura di retiro marisol lopez-tromp ta legal

EA News Author

Dutch Caribbean Nature Alliance, a traves di apoyo di BirdLife Netherlands, contrata pa un gerente di recaudacion di fondo pa aumenta capacidad di recaudacion di fondo pa conservacion di e biodiversidad di Caribe Hulandes

EA News Author

Curso ehbo/cpr pa tur e centronan di cuido di mucha tabata un exito rotundo!

EA News Author

Leave a Comment