E edicion di e aña aki di e Trienal Internacional di Arte Textil, ta marca un momento historico: pa prome biaha e curadoria ta wordo lidera pa dos hende muher Marta Kowalewska, historiador di arte y chief curadora di e Museo Central di Textil, y Bukola Oyebode-Westerhuis, editor, curadora independiente y publicista di descendencia Nigeriano.
E Trienal di 2025 ta celebra tambe un aniversario special: 50 anja. Medio siglo den cual e evento a crece te bira un di e plataforma global mas importante pa intercambio artistico y dialogo entre cultura nan. Entre e obra nan sobresaliente Biento di Seit, un obra nobo comisiona pa e duo artistico Arubiano biba na Amsterdam, Alydia Wever y Ryan Oduber. E Trienal e evento mas grandi y mas antiguo dedica na arte textil contemporane a habri oficialmente ariba diasbra 11 di oktober 2025 den e Museo Central di Textil Łódź 2025 na Polonia.
E tema curatorial di 2025 “Desconstruccion / Reconstruccion” ta refleha e tension y transformacion di e mundo moderno social, politico y cultural. E ta invita e ser humano pa pensa ariba redefinicion di norma, identidad, y sistema di balor, y ta resona cu un discurso filosofico mas amplio. Den e contexto aki, deconstruccion ta bira un manera di lesa referiendo na e realidad y pa habri espacio pa narrativo nan nobo.
E di e 18 Trienal Internacional di Arte Textil ta explora e tema curatorial den un tempo caminda e base di sociedad contemporaneo ta sigi move, evoluciona y ta keda ser cuestiona. Mientras sistema nan global cu a ser construi durante siglos ta wordo desarma y evalua, artista nan ta re-imagina mundo nan nobo basa riba justicia, resistencia y reparacion.
E edicion aki ta invita respuesta nan cu ta enfrenta desareglo social, ecologico y cultura for di confrontacion di legado colonial te cu redefinicion di genero, conocemento y tecnologia.
Textil, den su forma y entorno ta toca e tema restorativo como material, ta carga memoria, ta adapta, ta rek y ta sana, cu ta bira un simbolo di resiliencia y transformacion. Un fragmento cu ta carga historia, cura, y ruptura.
Den su funcion di desconecta y di conecta , e artista ta busca un manera nobo pa crea significado apelando na e conocemento ancestral, epistemologia indigena, y un manera di pertenencia cu ta desafia herarkia dominante. Den un mundo marca dor di crisis, e Trienal ta puntra: Arte por repara loke historia a kibra?
Nos por imagina convivencia sin control y division?
E artista nan di e anja aki ta responde cu obranan tactil, profundo y carga di memoria, ruptura y renovacion.
Textil como un Seismografo di Cambio
Desde su fundacion den e anja nan 1970, e Trienal di Lodz a sirbi manera un “seismografo” cultural pa capta movecion profundo den arte y sociedad. Den e clima actual di identidad e ta cambiando, polarizacion politico y renovando atencion riba historia di opresion, textil a bolbe bira un medio poderoso pa trata tema nan manera comunidad, memoria, migracion, papel di hende muhe y pertenencia.
Textil material intimo y comunal ta ofrece un lenguaje fuerte pa trata isla nan global. Hopi obra di e anja aki ta usa desconstruccion y reconstruccion no solamente como tecnica artistico, pero como metafora pa e experiencia humano: redefini hogar despues di cambio di espacio, explora resiliencia, curacion y inclusion.
Durante e apertura oficial, artista Alydia Wever a presenta su art performance “Cunucu di Seit” un ritual encarna cu ta sali for e di spiritualidad Caribeño, migracion y memoria di tera ancestral. E performance, presenta den espacio di e museo, tabata acompaña pa un instalacion y video-arte crea cu colaboracion di artista visual y cineasta Ryan Oduber, cu a filma, fotografia y co-diseña e concepto. E grabacion a ser tuma den e iglesia historico na banda di e museo, reforzando e dimension spiritual y ritual di e obra.
Tokante e Obra: Biento di Seit
“Biento di Seit” ta re-imagina e “trade winds” colonial e biento nan cu den pasado a transporta curpanan esclavisa atraves di Atlantico como un biento di renovacion di zuid. Inspira pa cosmologia Caribeño, memoria ancestral y tradicion animista, e obra ta crea un puente entre e vision di Plato riba transcendencia di alma y e idea di Aristotle, cu e alma ta e raiz den e curpa.
Presenta como e pasada di e arquitectura colonial, e curpa ta ser posiciona como carga y e archivo, canalizando biento nan cu ta carga memoria atraves di tempo y espacio. E obra su refleho ta e experimento “sciencia quantum” cu ta mustra cu e acto di observacion mes ta cambia realidad. Biento di Seit ta afirma cu dor di testigua, recorda y pordona, por nace biento nan nobo di transformacion.
E ta un invitacion pa un espacio comparti, unda ankramento, curacion y re-orientacion por tuma luga caminda e fibra di historia, spirito y imaginacion di futuro, ta bin hunto.
