BonaireFeaturedInternacional

Bishita di Famia Real a termina na Boneiro y Aruba ta prepara pa nan yegada

Celebracion Di Famia Real Na Boneiro 1

Bishita di famia Real a cuminsa for di diabierna ultimo 27 di januari 2023 na momento cu nan a yega Boneiro, diasabra mainta trempan a cuminsa cu e actividadnan despues cu oficialmente a yama e famia Real Bon bini na Boneiro iniciando na cas di Gezaghebber Edison Rijna hunto cu diputado Elvis Tijn Asjoe, Hennyson Thielman y James Kroon. Tambe Miembronan di conseho Insular tabata presente y representantenan di RCN.

Despues di e combersacionnan cu gobierno di Boneiro e famia Real a sali pa e casnan di Catibo  unda cu Boy Antoin a duna un splicacion di e historia di catibo na Boneiro, Despues a bay Magazina di Rei unda nan a haya sa mas di e cultura y tradicion di Boneiro y por a comparti , baila y purba cumindanan tipico di Boneiro.

Tambe tabatin un seccion di combersacion cu baluartenan di Boneiro y na final nan por a wapa riba e musica di Boneiro. Tambe e famia Real a haci bishita na Sorobon unda nan por a mira e interes di e muchanan pa cu windsurf na Bonero, pero tambe e hobennan artistico di Boneiro cu a presenta nan arte, despues nan a subi boto bay mira mas e mangrovennan y haya sa mas di loke ta mundo di cria y pesca di Boneiro.

Na final di e dia na Tast of Bonaire a prepara pa e famia real un tremendo show musical cu a keda dirigi door di Tutifrutie y tambe nan a presencia diferente bailenan cultural pa na final e famia Real baila den e  ritmo di carnaval y di e manera aki a despedi di e pueblo Boneriano. E bishita di Boneiro a termina exitosamente y awo Aruba ta den espera pa nan yegada.

Celebracion Di Famia Real Na Boneiro 1Celebracion Di Famia Real Na Boneiro 1Celebracion Di Famia Real Na Boneiro 2Celebracion Di Famia Real Na Boneiro 3Celebracion Di Famia Real Na Boneiro 4Celebracion Di Famia Real Na Boneiro 5Celebracion Di Famia Real Na Boneiro 6Celebracion Di Famia Real Na Boneiro 7Celebracion Di Famia Real Na Boneiro 8

Related posts

Prome Minister Evelyn Wever-Croes: Tankero NABARIMA: E situacion na e momentonan aki ta bou control

EA News Author

Gavril Mansur di KVK: Si e leynan tabata mas facil y no complica ta beneficioso pa cada comerciante y e comunidad compronde

EA News Author

EcoTec lo forma parti di solucion di maneho nobo di procesa tire na Aruba

EA News Author

Leave a Comment

Whatsapp Message