Ronde van Aruba tabata un evento exitoso y diferente gruponan a keda crea pa haci e evento exitoso. Sinembargo no ta solamente hende grandi a participa pero hobennan tambe a anima nan mes ya traha nan grupo y a participa na Ronde van Aruba.
Un di e gruponan cua hala hopi atencion ta e grupo di e hobennan cu a yama nan mes N4 – 2024 STRONG cu ta consisti di D. Fluonia,R. Romero,J. Winklaar,J. Boekhoudt. E participacion di e hobennan tabata un reto pa cada un di nan y a dicidi di core den Ronde van Aruba den boots den categoria militar. Pa e hobennan esaki no tabata algo facil, pero e tabata un reto mirando cu ta pa prome biaha a core Ronde van Aruba y a dicidi di no hacie den keds pero den boots militar.
E hoben Jennely Winklaar ta un di e participantenan ta indica cu e coremento a bay bon tur 4 participante a pusha y apoya otro, e meta entre nan tabata pa no cana pero core y dies sigui bay y pusha te final. E escogencia pa core den e categoria militar ta debi cu kier a encurasha cu nan como hoben por haci esaki y hopi otro persona tambe lo por bay pa e reto pa core den e categoria militar.
Orguyosamente Jennely Winklaar ta duna di conoce cu su persona y Dianli Fluonia tabata e unico dos mucha muhe cu a participa den e categoria militar, esaki sigur ta un empuhe pa nan mes y otro mucha muhe. Banda di ta core den scuridad e sfeer di anochi y shelo tabata hopi bunita.
Na cuminsamento tabata un poco nervioso pero tabata cla pa e reto unda cu a prepara mentalmente y fisicamente y a bay pa e reto te na final. E team di N4 – 2024 STRONG ta gradici tur hende cu di un of otro manera tabata para na banda y tabata apoya nan a laga nan sinti cu e causa dicon nan a participa tabata uno bon.
Jermy Boekhoudt cu tambe ta forma parti di e team ta contento y por a participa na Ronde van Aruba y ta gradici tur sponser cu a kere den nan como hoben y cu a participa pa prome biaha den un evento asina grandi den categoria militar. Ta gradici Do it Center pa nan nutricion, ABC Tours cu a yuda cu transporte y na Diplomatic Security Services pa e reconocimento.
