Loke cu a resalta den henter e bishita aki , no a mira e presencia di e Pueblo Boneriano mes, por conta nan riba un man e presencia di e Bonerianonan legitimo, esaki kisas ta un señal of no ta un señal? , pero loke cu si e keda ilustra ta cu e comunidad Boneriano mes di pura sepa no a sali y bin saluda famia Real cu nan yegada, na parke Wilhelmina por nota esaki mucho mas cu na e otro luganan cu nan a bishita cu habitantenan Hulandes na e isla ta birando hopi mas cu e Bonerianonan legitimo na Boneiro. Tambe por a mira y sinti e cultura ta dividi unda cu na Magazina di Rei por a sinti kico y ken realmente ta Boneiro, pero na e otro sitionan ya caba tin un diferencia grandi di cultura y presencia di Bonerianonan riba nan propio pais. Esaki por ta un risico pa e Isla cu Bonerianonan ta perdiendo nan Isla poco poco?
Sorprendente di mira Presencia di Pueblo Boneriano ta menos cu inmigrantenan Hulandes
