Ku orguyo Tourism Corporation Bonaire (TCB) ta anunsiá ku a inkluí Boneiru den e edishon number 2 di ELLE Magazine.
Na luna di yanüari 2022 TCB tabatin e plaser di risibí e ekipo di ELLE Magazine NL pa un ‘fashion shoot’ ku trahe di e diseñadó Duran Lantink. Durante nan estadia na nos isla nan a hasi diferente ‘fashion shoot’ ku awor por mira den e edishon number 2 di ELLE Magazine NL ku tin un alkanse di 148.000 ehemplar. ELLE ta un di e revistanan di moda lider na mundu, ku un edishon spesial na hulandes pa merkado hulandes. Dia 28 di mart ELLE ta sali den tiendanan i e
ta optenibel te 27 di mei 2022.
E kobertura tokante Boneiru tin komo titular ‘Bonaire Rocks’ i ta mustra e outentisidat i un ambiente karibense puro komo núkleo di e seri akí ku un ‘fashion shoot’ ku ta laga nos mira e naturalesa úniko di nos isla, esta kadushi, bich i oséano i e bida kolorido riba kaya den nos barionan, huntu ku 5 página ku ta dediká na informashon tokante nos isla, e mihó sitionan kulinario i aventuranan pa eksplorá.
Gustosamente TCB ke gradisí tur partner na Boneiru pa nan koperashon durante bishita di ELLE Magazine.
