Gezaghèber John Soliano ta ekspresá na nòmber di Entidat Públiko Boneiru su konbibensia ku pueblo di Venezuela asotá pa un temblor devastador.
“Nos tin tur hende ku e desaster akí a afektá na mente. Boneiru i Venezuela ta bisiña di otro den region di Karibe i ta uní pa basta generashon kaba via laso familiar, kultural i personal. Hopi habitante di Boneiru ta biba den insiguridat tokante paradero di nan famia i amistat na Venezuela. Hustamente pa e motibu akí Boneiru tambe ta sufri profundamente a kousa di e tragedia akí,” asina gezaghèber a deklará.
Gezaghèber ta den kontakto estrecho ku Ministerio di Relashon Eksterior. Reino Hulandes ta sigui e desaroyonan di aserka, i ta den kontakto estrecho ku outoridat venezolano i ta brinda ayudo humanitario kaminda esaki ta nesesario.
“Nos ta deseá tur dunadó di ayudo hopi forsa den nan trabou importante i ta spera ku ta haña esnan ku ta pèrdí mas pronto posibel. Na nòmber di Boneiru mi ke ekspresá mi sosten i solidaridat na pueblo di Venezuela i na komunidat venezolano na Boneiru. Mi ta deseá tur hende afektá hopi forsa, kurashi i resiliensia den e tempu difísil ku nan tin nan dilanti.”
Ta konsehá habitante di Boneiru ku ta aktualmente na Venezuela i mester di ayudo di konsulado, pa tuma kontakto ku embahada hulandes na Caracas òf ku sentro di kontakto di Ministerio di Relashon Eksterior ku tur dia ta alkansabel durante 24 ora via https://www.nederlandwereldwijd.nl.
Entidat Públiko Boneiru ta sigui e desaroyonan di aserka. Nos ta sigui ku tur esnan