Bureau Guarda Nos Costa awor tin su propio number di telefon

Bureau Guarda Nos Costa ta un departamento cu den ultimo tempo a mira diferente cambionan positivo pa loke ta trata e maneho pa cuida costanan di Aruba y tambe atende cu e ilegalnan cu ta riba nos isla sin documento. Un trabao sigur no facil. E departamento riba su mes a pasa den yen di situacion pero den ultimo temponan por a mira cambionan positivo y adelantonan positivo pa e departamento di Guarda Nos Costa. Despues di algun dia atras cu a caba di firma un protocol cu Rode Kruis , awe oficialmente Bureau Guarda Nos Costa tin su propio number di telefon (+297) 2807333 cu ta e number prinsipal di e departamento. Esnan cu mester di asistencia y of informacion por yama y lo haya e ayudo necesario.