ORANJESTAD,Aruba
Problema na Warda nos costa no ta prome biaha pero tin un tencion grandi. Loke ta un echo ta cu esnan cu ta illegal na Aruba a keda gara y sera pa nan acto di ta illegal na e isla, y cu nan mester bandona e isla, sinembargo e situacion di COVID-19 a trece un situacion rond mundo cu a stop tur vuelo y no tin vuelo pa por deporta e ilegalnan. Awe 22 juni 2020 a reina un situacion fastioso un biaha mas unda cu diferente patruya y polisnan special mester a presenta na warda nos costa.
Esaki ta pone cu Minister di Husticia ainda no a yega na un solucion pa por hanja avion pa bay rumbo venezuala y esaki ta pone cu e personanan ta keda sera mirando e acto cu nan a haci contra di ley y falta pais Aruba respet di keda riba e isla sin permiso.
Loke ta un realidad ta cu pa varios dia e situacion ta asina y e situacion ta bira tenso na warda nos costa. Apelacion ta bay na minister di husticia pa bin cu un solucion pa e detenidonan illegal na Aruba por bolbe nan pais bek.
Ultimo tempo tambe a tuma nota di e propio venezolanonan cu no ta sera ta haci un apelacion na nan presidente pa por bay nan pais bek mirando cu na momento cu COVID-19 a drenta Aruba e situacion no ta mes un cos mas y cu nan mes ta desea di bolbe bek Venezuela.
Aunke cu e ilegalnan tin cuminda, cama y cu nan por cumunica cu nan famia tog ta bira rebelde sabiendo cu cada un di nan cu ta sera na warda nos costa sa cu nan a comete un acto cu ta inaceptabel na pais Aruba di ta indocumenta y ta falta respet na leynan di Aruba.
Den fin di siman tin vuelo cu a bin for di caracas, pero esaki ta un vuelo cu tabata un peticion di consulado di reino y gobierno di Aruba cu ta percura pa su hendenan y a manda busca nan for di Venezuela. Sinembargo e presidente actual di Venezuela no ta haci mes un esfuerso pa su hende nan cu ta na Aruba, esaki ta di lamenta. Ta spera cu pronto minister di Husticia por yega na un solucion pa por laga cada illegal cu ta sera na warda nos costa yega nan pais mas pronto cu ta posibel.
