Prome Minister Evelyn Wever Croes den parlamento di Aruba a duna di conoce cu caya Taratata y un pida na Tankileendert lo haya asfalt. Esaki ta e dos exepcionnan cu tin. Caya Taratata ta debi cu e stakeholdersnan mes a pone mita di e placa y DOW a resta di otro proyecto placa y lo pone esaki pa e caya Taratata. Pa loke ta trata e parti di Tankileendert tin un parti cu pa varios aña ta causa hopi molester y cu placa cu DOW a resta di otro caminda lo pone disponibel pa un pida chikito di caretera cu mester keda drecha na Tankileendert. Esaki ta e dos partinan cu lo haya asfalt. Según e mandatario no lo tin mas placa disponibel pa caretera e aña aki. Sinembargo den e plan di 2023 -2027 parlamento por tin un bista mas amplio di e planificacion di e careteranan lo ta pa e añanan despues
Caya Taratata y un pida na Tankileendert lo haya asfalt e aña aki
