LocalFeatured

CBS ta anuncia e start di e Encuesta di Forsa Laboral 2022

Encuesta Forsa Laboral 1110X450 1

Cuminsando for di diaranson 15 di juni 2022, Oficina Central di Estadistica (CBS), conhuntamente cu Departamento di Labor y Investigacion (DAO) lo ehecuta e Encuesta di Forsa Laboral Juni 2022 (EFL Juni 2022).
E encuesta aki tin como meta pa forma un imagen actual y completo di e mercado laboral di Aruba. Pa medio di e informacion compila lo determina, entre otro, e cifra di empleo y desempleo na Aruba. Ta uza e informacion aki, den conhunto cu e datonan colecta durante di e añanan anterior, pa señala tendencianan riba nos mercado laboral y alabes ta yuda gobernantenan y empresarionan refina y e mehora nan maneho pa loke ta trata mercado laboral di Aruba.
Lo haci EFL Juni 2022 digitalmente y telefonicamente. Lo acerca hogarnan cu a participa na Censo 2020 y na e EFL 2021 pa participa na e EFL Juni 2022. E hogarnan aki lo ricibi sea un yamada pa haci un entrevista of un e-mail cu lo contene mas informacion di e encuesta como tambe un link pa por yena e cuestionario online. E cuestionario ta contene preguntanan basico pa tur persona den e hogar, pero preguntanan relata na e mercado laboral solamente ta haci na esnan di 15 aña bay ariba ya cu segun principionan di e Organisacion Internacional di Labor (ILO) personanan ta considera 15 aña bay ariba como parti di e forsa laboral di un pais.
Mester enfatisa cu e ta sumamente importante pa tur persona di 15 aña of mas cu acerca pa yena e cuestionario di e EFL 2022 pa medio di un e-mail of via telefoon, coopera pa yena e cuestionario completo. Compara cu e EFL 2021, e EFL Juni 2022 ta un encuesta sumamente cortico y ta contene solamente preguntanan basico pa haya mas informacion di e mercado laboral di Aruba. A añadi 2 pregunta na e cuestionario tocante e uzo di e 4 idiomanan principal na Aruba (Papiamento, Ingles, Hulandes y Spaño), ya cu e ta birando cada biaha mas importante pa esnan cu ya caba ta forma parti di nos mercado laboral of ta bay forma parti di esaki, por papia, skirbi y lesa mas cu un idioma.
Durante e periodo di ehecucion di e EFL Juni 2022 lo tin un team disponibel na CBS pa contesta cualkier pregunta via telefon of e-mail y pa asisti cu yenamento di e cuestionario online. E team ta disponibel di dialuna pa diabierna for di 8:00am pa 12:00pm y di 2:00pm pa 8:00pm, y tambe den weekend for di 12:00pm pa 06:00pm.
Por tuma contacto via di e siguiente number di telefon: 524 7433 (puntra pa e team di EFL juni 2022). Tambe por manda un e-mail na LFS2021@cbs.aw pa cualkier pregunta of pa solicita pa un cita pa yena e cuestionario via telefon.

Related posts

Minister Xiomara Maduro ta felicita nos muchanan cu un bunita parada di carnaval na playa

EA News Author

Haya tereno no ta ilegal pero haci negoshi cu tereno di Aruba si

EA News Author

Minister Xiomara Maduro ta informa: Dia 1 di juli ta haci 159 aña di abolicion di sclavitud door di Hulanda den e colonianan Surinam y AntiasHulandes

EA News Author

Leave a Comment

Whatsapp Message