EconomiaFeaturedLocal

Cft: “Presidente Raymond Gradus ta baha entrante dia 1 e di februari 2023”

Caft

Prof. dr. Raymond Gradus ta renuncia entrante dia 1 e di februari 2023 como
presidente di Colegio di supervision financiero di Corsou y Sint Maarten, Colegio di
supervision financiero di Boneiro, Sint Eustatius y Saba y Colegio di supervision financiero di
Aruba. Cu esaki su di dos termino ta finalisa un poco prome cu e fecha riba cual e mester a
expira, esta dia 1 e di juli 2023.
Sr. Gradus ta alabes catedratico di administracion y economia di sector publico y sector sin animo di
lucro na Universidad Liber (VU) di Amsterdam. Combinacion di e dos funcionnan menciona ta un
responsabilidad masha pisa, asina e ta menciona. Ademas durante e lunanan binidero Gradus kier haci
varios biahe dirigi riba mundo academico. E ta mira atras riba añanan emocionante y intensivo como
supervisor di e islanan y paisnan di ex-Antia Hulandes. Actualmente ta buscando un sucesor apto, kende
lo cuminsa entrante dia 1 e di februari 2023.
Prof. dr. Gradus ta presidente di Cft desde dia 1e di juli 2017. Riba 1e di juli 2020 a renombra dr.
Gradus pa un di dos periodo di tres aña. Banda di su funcion di catedratico e ta vincula tambe na
Departamento di Accounting di VU y na Centro Zijlstra pa Control Publico, Liderazgo y Gobernacion
(Zijlstra Center for Public Control, Leadership & Governance) y e ta miembro di nivel halto di Instituto
Tinbergen. Prof. Gradus tin varios publicacion cientifico riba su nomber tocante, entre otro, seguridad
social, cogobierno, maneho di medio ambiente y finansa publico. Ademas e ta presidente di e Comision
di Auditoria di Conseho di Supervision di Scol Superior di Den Haag (HHs).

Related posts

Hobennan di 12 te cu 15 aña cu condicion di salud Tambe ta cuminsa vacuna contra COVID-19

EA News Author

Diahuebs awor ta inicia Playa Film Festival

EA News Author

Prome minister a biaha pa hulanda pa sigui negocia y atende reunion di conseho di minister di reino diabierna awo

EA News Author

Leave a Comment

Whatsapp Message