Circo Suarez a yega Aruba y ta causa un gran sensacion entre grandi y chikito. For di e prome show, publico a hari bariga yen, a duna aplauso y emocionnan no a falta bou di e carpa mas famoso di Caribe.
Tur anochi, publico ta goza di un espectaculo yena di magia, acrobacia,suspenso humor y talento y e cultura di Mexico. Esnan cu a asisti ta sali encanta cu e show, destacando e calidad di e artista, e ambiente di alegria i e bunita organisacion.
“Un momento unico pa e muchanan!”, hopi mayornan ta bisa despues di e show. E felicidad riba e cara di e mucha ta algo sin ‘prijs’.
No solamente e publico general ta disfruta, sino tambe figuranan conoci na Aruba ya a yega na e show, manera Jeon, Freddy Rasta, e influencer Gilean Hoek, Shaswina Andrade y hopi otro personahe famoso acompaña cu nan famia. Nan presencia ta confirma loke tur hende ta bisa: ¡
Circo Suarez ta e evento di aña!
Cu un combinacion di humor, adrenalina i cariño, Circo Suarez a bira e plan perfecto pa famia. Si ainda no a biba e experiencia, no warda mas.
• Dialuna te diabierna: 8:00pm.
• Diasabra y diadomingo:
5:00pm y 8:00pm
Pa cumpra ticket: acudi na www.circohermanossuarez.com of pasa personalmente na Circo,na Harbour Arena bou di e prome tent, na e ticket gate.
Ayaaaaaaa nos vemosss!!
