FeaturedLocal

Corto circuito den transformador na web ta causa di brown out den oranan di atardi 28 di december

Web Aruba Nv 1

Algun minuut despues di 5:00 PM, dia 28 di december, a surgi un cortocircuito den un di
e transformadornan den planta di WEB. Esaki a conduci na un Brown out, un interupcion di coriente pa
diferente area di nos isla. Debi na e fayo aki e sistema di pompnan cu ta pomp awa pa Aruba a perde
coriente tambe y consecuentemente e preshon di awa a cay pa varios parti di Aruba. Personal di WEB
mesora a drenta accion pa isola e causa pa por recupera coriente mas pronto posibel. E proceso aki
mester a bay hopi controla pa e planta no cay atrobe, mirando e situacion delicado. Pa 7:29 PM a logra
reestablece suministro di coriente 100% pa ELMAR y consecuentemente pa nos isla henter. En total a
tuma 2 ora y mey pa recupera suministro di coriente pa e isla completo.
Despues cu a descubri e fayo, por a calcula cu lo a dura ±2 pa 3 ora pa recupera e suministro completo pa
nos isla. E prome area cu a recupera coriente alrededor di 6:18 PM tawata e area di hospital y hotelnan.
Despues a sigui e areanan di Palm Beach, Noord, sigui pa Balashi y Parkietenbos, sigui pa Santa Cruz,
Savanta y Pos Chikito. Finalmente a logra reconecta San Nicolas. E secuencia den recuperacion di
suministro di coriente pa e diferente areanan ta depende di stabilidad di e red di coriente y demanda di
coriente na e momento ey. A logra reestablece e presion y suministro di awa alrededor di 7:13 PM pa e
areanan afecta. Pa 7:29 PM ekipo di produccion di WEB a logra reestablece coriente na e partinan afecta
hunto cu personal di Elmar na e substationnan rond Aruba.
Durante e periodo di interupcion, gerencia a dicidi di pospone e celebracion cual tawatin planea pa
empleadonan di WEB na e momento ey. Debi na e brown out no tawata prudente pa e celebracion sigui.
A pidi comprension di empleadonan y a enfoca completamente pa sigui cu recuperacion di suministro di
coriente. Gerencia ta gradici tur empleado pa nan comprension den esaki.
Di parti di gerencia y empleadonan di WEB Aruba, ta ofrece disculpa pa e inconveniencia causa pa e
brown out di 28 di december. Gerencia ta hopi consciente cu un interupcion di coriente y/of awa no ta
agradabel y ni conviniente. Empleadonan di WEB su departamentonan di produccion di coriente y awa,
pero tambe esnan di sectornan di mantencion, di asuntonan tecnico, di distribucion di awa y
departamento di comunicacion, tur a haci nan maximo esfuerso pa a limita e tempo di brown out mas
tanto posibel y pa mantene comunidad informa. Un biaha mas WEB su gradicimento pa e comprension y
pasenshi.

Web Aruba Nv 2

Related posts

Tourism Corporation Bonaire ta selebrá Luna di Turismo 2022

EA News Author

Elvis Tjin Asjoe kanando ku Chantiwawa “Boneiru tin hopi potensial turístiko”

EA News Author

Minister Dangui Oduber: Un bishita hopi ameno y placentero na Centro Kibrahacha

EA News Author

Leave a Comment

Whatsapp Message