No ta un secreto cu den pasado tin discusion si tur ley a keda trata of tin leynan ainda den lachi, Presidente di parlamento Marlon Sneek ta duna di conoce cu si tin diferente leynan cu a keda para den lachi di parlamento.
Den su prome dianan di trabou ya caba a tira un bista riba e lista di leynan cu tin den lachi pa asina manda carta pa e ministernan concerni pa asina laga gobierno tuma un decision con ta para cu e ley aki y si e ley no tin sosten di e gobierno nobo e leynan mester wordo ingetrokken pa asina nan no keda colga na parlamento. Gobierno nobo mester tuma un decision riba e ley nan cu ta cay bou di nan maneho y mira si ta sigui cu e procedura pa e ley bira un realidad of no.
Si acaso e ley ta relevante pa e mandatario y cu kier haci cambio den nan e mandatario mester avisa esaki y tambe bisa cuanto tempo lo tin mester pa atende e nota di cambio pa asina e ley por sigui su caminda pa e por wordo poni den agenda y despues keda trata. Presidente di Parlamento lo manda un carta pa tur esunnan concerni pa asina atende cu e leynan cu tin den lachi.
Presidente di Parlamento Marlon Sneek Kier kita for di riba mesa tur loke cuo ta relevante mas y e leynan cu ta relevante ainda mester haya su atencion debido.