Presidente di parlamento Marlon Sneek ta kere cu e separacion entre parlamento y bestuurskantoor no lo mishi cu e sistema gubernamental, pero e ta mas pa parlamento por funciona mas independiente.
Na e momento aki tin un parlamento cu tin cu controla un gobierno y ta haya un presupuesto for di gobierno. Na momento cu independisa parlamento e organo no ta keda pega si na momento e tin un suma cu mester ricibi y ta depende di gobienro pa haya esaki. Loke cu mesterta bon cla cu no por ta cu riba dificultad nan y retonan financiero di un Pais no mester afecta parlamento. Tin momentonan cu parlamento ta haya su mes restringi pa por haya placa pa por haci su trabou, esaki no lo ta e caso si independisa parlamento di Aruba.
Na momento cu independisa parlamento di Aruba y avisa kico ta e suma cu parlamento tin mester ta esey e tin mester , asina tambe ta duna e operacion di parlamento e espacio pa parlamento por traha. Nos no mester mira e 21 parlamentario nan den e caso aki pero mester mira e institucion y duna tur e trahadonan cu ta traha na parlamento cu no ta parlamentario y cu no ta bay eleccion pero cu ta haci trabounan pa parlamento y ta garantisa cu e trabou ta wordo haci mas independientemente.