Durante último dos simannan Defensa a duna dos kurso . Banda di e personal propio, Militarnan di Kòrsou, tambe diferente sosionan di seguridat a partisipá, entre otro personal di KPC, VKC, Brantwer i Ambulans. Djabierne e 30 kursistanan a risibí nan sertifikado, entregá pa Minister di Hustisia Shalten Hato i Komandante di Kazèrne di Marina Mayor Steven Baan.
E dos kursonan titulá “Collegiaal Netwerk” (ret Kolegial) i “Mentaal Fit” (Mentalmente den Forma) ta di gran importansha den kuadro di promové salu mental i resiliensia di profeshonalnan ku frekuentemente ta konfrontá ku situashonnan desafiante i ku potenshal troumátiko.
E meta di e “Collegiaal Netwerk” ta pa inkrementá debate tokante salú mental i realisá un evaluashon di antemano di posibel problemanan mental despues di eksperienshá eventonan potensialmente impaktante. Esaki tin komo ophetivo brinda apoyo aksesibel na koleganan ku ta enkontrá nan mes den tal situashonnan debí na nan trabou.
E kurso di entrenamentu “Mentaal Fit” ta proporshoná partisipantenan ku hèrmèntnan práktiko pa mantené nan resiliensia mental bou di sirkunstanshanan di hopi preshon. E treinen aki ta surgi di nesesidatnan di sosionan ku ekspertisionan igual na Kòrsou, ku diariamente ta keda konfrontá ku diferente situashonnan di reto dentro di diferente dominionan di seguridat.
E treinen nan a tuma lugá na Kazèrne di Marina na Suffisant i a keda risibí ku entusiasmo pa e partisipantenan. Mirando e impakto i nesesidat Defensa ta boga pa ofresé kursonan ku frekuensia, manera lo ta di spera, dos biaha pa aña.
Dunamentu di kursonan na diferente sosionan di seguridat ta aportá na sosten di e desaroyo profeshonal ku e meta di mehorá seguridat den Region Karibe Hulandes.