Project Team Drugspanden ta un team cu a wordo lanta pa entre otro investiga bendemento di droga for di un percela.
Awe durante e investigacion preliminar a detene 4 persona cu a cumpra droga for di un cas na Sombre y despues
conjuntamente cu ministerio publico y hues comisario a haci un entrada hudicial na dicho cas.
Aki e team a detene en total di 2 persona:
Un hende homber di inisialnan A.H. nasi na Aruba di 70 aña di edad y un hende mohe di inisialnan L.Z. nasi na Curacao di 44 aña di edad.
Durante e entrada hudicial a confisca un cantidad basta grandi di cocaina, cantidad considerabel di placa cash y tambe marihuana.
Diferente teamnan special manera: K9-unit, departamento tecnico di Cuerpo Policial y otro teamnan tambe a participa na e entrada hudicial aki.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.
