FeaturedInternacional

Dia mundial di awa

Dia Mundial Di Awa

Tur aña dia 22 di maart ta celebra Dia mundial di awa. E topico e aña aki ta “Awa pa pas”, cu ta haci un invitacion na mundo henter pa uni y usa awa pa pas y logra un futuro mas stabil y cu prosperidad.

IBiSA kier probecha e fecha aki pa enfatisa riba e importancia y beneficio di bebemento di awa pa nos salud.

Beneficio di bebe awa

Awa ta mantene e bon funcionamento di tur sistema den nos curpa. Awa tin diferente tarea hopi importante den nos curpa, manera: transporte di nutriente y oxigeno pa nos celnan, saca bacteria di nos blaas, yuda nos digestion, preveni obstipacion, normalisa presion di sanger, proteccion di nos joints y organo, regula temperatura, mantencion di balans di electrolyte (sodio).

Awa ta hopi mas barata cu cualkier otro bebida. E ta costa 0.00336 florin pa glas (tuma for di e tarifa di 14.20 florin pa m³). Si bo bebe e cantidad recomenda cu ta 8 glas di awa pa dia e costo ta 0.027 florin, cu otro palabra menos cu 3 cent pa full e dia!

Cuanto awa mester bebe?

No tin un contesta ‘one-size-fits-all’. Aunke e recomendacion di 7 pa 8 glas (8 oz) den e ‘Guia pa un Bida Saludabel’ ta conta generalmente pa mayoria di persona saludabel, e cantidad por varia depende di bo condicion di salud, uso di remedi, nivel di actividad fisico y temperatura ambiental. Desafortunadamente hopi di nos no ta bebe suficiente awa, specialmente nos grandinan.

Factornan cu por influencia bo necesidad di awa:

  • Nivel di actividad: si bo ta perdiendo awa door di soda pa motibo di ta haci deporte of trabou pisa, bo mester bebe mas awa
  • Temperatura: mas calor mas bo ta soda esaki ta nifica tambe cu bo necesidad di awa ta bira mas hopi
  • Bo salud y remedinan cu bo ta usa: consulta cu bo dokter tocante e cantidad di awa cu bo por bebe si bo tin condicionnan manera problema cu schildklier, riñon, higra of curason. Y tambe si bo ta bebe remedinan cu ta retene awa.
  • Edad: Persona di edad no ta sinti sed manera ora nan tabata mas jong. Mester recorda y percura pa nan bebe awa regularmente. Mas ainda si nan ta bebe remedi cu ta causa perdida di awa manera diuretica.

Algun signal di deshidratacion ta inclui color scur di urina, sinti swak, presion di sanger abou, dolor di cabes, biramento di cabes of confucion.

Tip: crea custumber di bebe 1-2 glas di awa mainta ora lanta y 1-2 glas di awa cu cada cuminda. Cana cu un thermo of boter di awa durante dia pa bo ‘sip’ regularmente. Probecha di tecnologia y download un applicacion gratis cu ta recorda bo pa bebe awa regularmente.

Related posts

Polis mester a bay pa homber lam lam dilanti Chacha Snacks na San Nicolas

EA News Author

Oposicion ta den desesperacion

EA News Author

Man-Pin ta kontentu ku gobièrnu no ta skohé mas pa terminashon di e seguro di ‘Ennia Leven’

EA News Author

Leave a Comment

Whatsapp Message