FeaturedLocal

Minister Dangui Oduber: Januari 2024 a aumenta e uitkering di pensioen di biehes cu 4.12%

Januari 2024 A Aumenta E Uitkering Di Pensioen Di Biehes Cu 4.12

Fin di aña 2023 Minister Dangui Oduber a anuncia aumento di uitkering di pensioen di biehes cu un 4.12%. Aña 2020 y aña 2021 tawata e añanan di mas dificil den historia di nos pais. Minister Oduber ta contento di por bisa cu semper e la corda ariba e populacion cu ta cobra pensioen di biehes y por mustra cu a zorg pa aumenta e uitkering manera cu a haya e oportunidad.

Cu e aumento di 4.12% aki, pensionadonan cu ta parehanan casa a ricibi un aumento di 84,- florin pa luna y pa pensionadonan soltero esaki ta un aumento di 50,- florin pa luna.

E pandemia a pone retonan grandi nos dilanti como pais, pero hunto den union pais Aruba a surpasa tur. Ora nos a kere cu situacion lo bira miho e guera na Ukraina a cuminsa y esaki a conduci na inflacion rond mundo y factornan externo cu tin hopi influencia riba Aruba. 

Como e Minister encarga cu SVb, naturalmente tin cu pensa riba nos grandinan y con pa yuda nan den e presion cu inflacion a trece cune pa nan. No obstante tur e retonan di aña 2020 y 2021, aña 2022 a cuminsa mustra mehorancia y 2023 tawata uno excepcional pa nos turismo y economia. E recuperacion rapido di nos turismo y economia ta keda ta uno sublime y ta danki na esaki Gobierno por aumenta e uitkering di pension di biehes. 

Minister Oduber a indica cu manera tur cos ta bayendo Aruba a sera un aña 2023 historico y cu un recuperacion di 100% di nos turismo den comparacion cu aña 2019. Esaki sigur ta un logro hopi grandi pa pais Aruba y e ta demostra e resiliencia di nos comunidad. Tur esaki a conduci cu tin espacio pa ahusta uitkering di pensioen di biehes.

Related posts

Minister Rocco Tjon: Departamentonan hudicial a reuni tocante reapertura di Venezuela como tambe proyectonan andando

EA News Author

Hulanda tin problema di interes halto cu e keda mara pa Aruba

EA News Author

Aserkamentu di kriminalidat internashonal ta bira mihó pa Hulanda Karibense dor di konekshon direkto ku INTERPOL

EA News Author

Leave a Comment

Whatsapp Message