PoliticaFeaturedLocal

‘Dialogo tocante efectonan di sclavitud y colonialismo na Aruba’

Minister Xiomara Maduro 1

Minister Xiomara Maduro ta invita pa sintonisa otro programa informativo interesante

Den cuadro di e Serie di Programa Informativo di Historia di Sclavitud na Aruba

Despues di a presenta varios programa informativo pa conscientisa nos comunidad tocante e Historia di Sclavitud na Aruba, Ministerio di Cultura ta presenta e biaha aki un dialogo tocante e efectonan di sclavitud y colonialismo na Aruba. E programa aki ta consisti di dos parti y tin un duracion di un ora.

Den e prome parti sra. Indra Zaandam ta hiba un combersacion habri cu tres profesional sra. Aleida Hector, sr. Chando Pietersz y sr. Edric Croes,  tocante e efectonan duradero di sclavitud y colonialismo na Aruba y lo haci esaki for di tres diferente perspectiva. Lo trata e efecto di sclavitud y historia colonial riba nos sistema democratico,  nos sistema di enseñansa y tambe e efecto riba e imagen propio y beyesa.

Minister Xiomara Maduro ta extende un invitacion na henter comunidad pa sintonisa e programa ‘Dialogo tocante efectonan di sclavitud y colonialismo na Aruba’.

E programa lo pasa diahuebs dia 19 di october pa 9’or di anochi na Telearuba y diabierna dia 20 di october pa 9.10 di anochi na Diario tv.

Related posts

Minister Endy Croes: Universidad di Aruba ta preparando cuater (4) investigacion riba e tema di deporte

EA News Author

“share station” ta anuncia e 15 ganadornan di e prome edicion “digital global money week summer campaign”

EA News Author

E Voz di pueblo a papia Un total di 35% di tur partido cu a haya voto sinta den Bestuurskantoor y parlamento pareu ta bisa no na matrimonio di mes un sexo

EA News Author

Leave a Comment

Whatsapp Message