Director di Verslavingskliniek Brasami, Ijolene Constancia, tabata na Aruba hunto cu su team. Despues di diferente reunion, a firma un acuerdo importante entre Corsou y Aruba.
E fundacion ta parte di e punto di bista cu adiccion ta un malesa psiquiátrico y un problema di celeber, saliendo for di e base cu e ta un problema psiquiátrico. Problemanan psiquiátrico manera esquizofrenia, un of otro bipolar disorder, depresion y ansiedad ta forma parti di e retonan aki.
E fenomeno di “Double Trouble”
Hopi biaha ta topa cu e situacion conoci como “double trouble”, caminda un persona tin tanto un problema di adiccion como un problema psiquiátrico. Verslavingskliniek Brasami por yuda den e casonan aki, pero un cos cu ta hopi importante ta cu e problema psiquiátrico no mester ta primario of riba e voorgrond, e adiccion mes ta esun cu mester ta riba e voorgrond.
Kico esaki ta nifica? Na e momento cu un persona tin un problema psiquiátrico manera un psicosis door di uzo di droga, locual por parce un problema psiquiátrico e protocolo ta pidi pa stabilisa e persona prome. E mester tuma su remedi pa asina e problema nan psicotico keda stabilisa, cu e ta trankil y no tin niun sintoma psicotico mas. E ora ey so e por bin Verslavingskliniek Brasami pa haci tratamento pa su adiccion.
Tratamento completo y e modelo di shete leefgebieden
Segun director Ijolene Constancia, ta importante pa duna un tratamento completo. Esaki ta nifica cu e no ta trata di simplemente coy e hende y pon’e den un luga pa duna cuminda of cosnan pa e dies pasa tempo, sino pa e ricibi un tratamento completo pa su adiccion.
Remedi ta un parti hopi importante y esencial, pero e ta keda un parti chikito. Ademas di esaki, lo trata e parti emocional y atende cu e otro problemanan mental. Banda di e tratamento, ta atende tambe cu e habilidad social di e persona. Esaki ta basa riba e modelo di shete leefgebieden, unda ta wordo yuda of ondersteun riba cada un di e leefgebieden den henter e proceso.
