Documentonan a keda cla artista Che Diaz y imitado di Karol G lo ta rumbo pa Aruba

No ta prome biaha pero esaki ta di dos ocasion cu documentonan di artistanan cu mester bin haci nan show na Aruba ta haya nan mes cu problema pa drenta Aruba y ta wordo debolbi bek pa nan pais. Sinembargo si promotornan cana nan caminda na ora of si ta departamentonan ta mas eficiente y trempan no lo tin ningun problema, pero den e caso aki un biaha mas ta laat y e proceso ta drenta laat na inmigracion pa por haya e notificacion pa artistanan por drenta. Esaki un punto cu kisas lo por tene cuenta cu ne.

Sinembargo por bisa cu e problemanan a keda resolvi y fiesta ta sigui na Villa Floralina hunto cu Artista Che Diaz y imitado di Karol G cu lo mester bin duna presentacion na Aruba. E fiesta aki ta specialmente pa celebra dia di independencia di Colombia.