Dialuna 24 april 2023 DTI a tene un “Employee wellbeing retreat-day” pa su personal enconexion cu “World Day for Safety and Health at work”.
Es aña aki e organizacion ‘International Labour Organization (ILO) ta conmemora e “World Day for Safety and Health at work”ariba e fecha 28 april 2023. E thema y enfoke e aña aki ta “ A Safe and Healthy Working Environment – A Fundamental right-.
Dunando e atencion na e thema aki DTI a bin ta dunando durante luna di April informacionnan di e diferente inspeccion y keuringnan cu DTI ta haci pa asina concientisa e pueblo di Aruba riba e parti di seguridad.
DTI a habri e siman di seguridad cu un dia special dedica na su personal pa asina por traha riba nan bienestar general pa asina logra pa tin un ambiente di trabou mas agradabel y sano. Y asina DTI a duna contenidona e thema“ A safe and Healthy Working Environment”.
E “Employee wellbeing retreat-day” a ser teni na Moreu Facilitation & Healing Center bou di guia di sra.Belquis Moreu y staff.
Ariba es dia aki e personal a ricibi diferente informacionnan manera con pa atende cu nan mes un bienestar general, di cual ta atende cu nan manera di pensa, emocionnan, actividadnan fysico, traha den equipo y a haya e oportunidad pa relaha y disfruta di e dia. E personal a ser pidi pa bin bisti mas comodo posibel y asina a laga e safetyshoes nan na cas pa atende cu nan mes.
DTI ta sugeri tur compañia y departamentonan pa tuma iniciativa y enfoca ariba e bienestar general di nan trahadornan, caminda e “wellbeing” di bo trahador ta central pa asina nan por brinda un mihor servicio y aporte na e pueblo di Aruba.
